Мнагабор’е «Здароўе»

У  пяці  відах  спорту  зімовага  мнагабор’я  «Здароўе»:  стральбе  з  пнеўматычнай  вінтоўкі  (9-11 кл.),  падцягванні  на  перакладзіне  (юнакі),  згінанні  рук  ва  ўпоры  лежачы  (дзяўчаты),  скачках  у  даўжыню  з  месца,  лыжных  гонках  на  дыстанцыях  1 км, 2 км,3 км  – спаборнічалі  вучні  сярэдніх  і  старэйшых  класаў  школ  раёна.
Сярод  хлопчыкаў  малодшай  групы  ў  асабістым  заліку  перамог  Руслан  Бурымскі,  вучань  Каўбчанскай  СШ,  на  другім  месцы – Стас  Макарэвіч  з  Максімавіцкай  СШ,  трэцяе  месца  заняў  Раман  Скрыпко  з  СШ  № 2  горада.
Сярод  старшакласнікаў  (9-11 кл.)  не  было  роўных  Раману  Кнігу  (СШ  № 2),  на  другім  і  трэцім  месцах – юныя  спартсмены  з  Пярэкальскай  СШ  Дзмітрый  Самсонік  і  Ілья  Завадскі.
Юлія  Пірожнікава  з  Пярэкальскай  СШ  абышла  ўсіх  саперніц  і  стала  пераможцай  у старэйшай  групе,  на  другім  месцы —  яе  сяброўка  па  камандзе  Алена  Долбік,  на  трэцім – Дар’я  Раманенка  з  СШ  № 1  горада.
У  малодшай  групе  лепшыя  рэзультаты  ў  Дар’і  Хейдэр  з  Пярэкальскай  СШ,  у  тройцы  мацнейшых  таксама  Крысціна  Кацуба,  вучаніца  СШ  № 2, і  Анастасія  Андрэева  з  Пярэкальскай  СШ.
У  камандным  заліку  перамаглі  юныя  спартсмены  Пярэкальскай  СШ  (рыхтаваў  каманду  настаўнік  фізічнай  культуры  У. А. Ільінчык),  на  другім  месцы – каманда  Максімавіцкай  СШ  (настаўнік  фізкультуры  М. І. Саладуха),  вучні  СШ  № 2  занялі  трэцяе  месца  (настаўнік  фізічнай  культуры  М. А. Бяляўскі).

Міні-футбол

У  першынстве  раёна  па  міні-футболе  сярод  дзяўчат  1997-98 г. н.  перамаглі  юныя  спартсменкі  Пярэкальскай  СШ  (настаўнік  фізкультуры  У. А. Ільінчык).
У  складзе  каманды  выступалі:  Дар’я  Хейдэр,  Анастасія  Андрэева,  Уладзіслава  Лапко,  Юлія  Пірожнікава,  Кацярына  і  Анастасія  Кавальчук,  Алена  Долбік,  Карына  Усава.
Крыху  ўступілі  пераможцам  выхаванкі  Я. В. Кароткага  (Максімавіцкая  СШ),  якія  занялі  2-е  месца.  На  трэцім – каманда  Бацэвіцкай  СШ  (трэнер  В. Ф. Дземяшкевіч).

Лепшыя  сярод  лепшых

На  рахунку  юнацкай  зборнай  раёна  па  валейболе  шмат  перамог  у  абласных,  рэспубліканскіх  і  нават  міжнародных  спаборніцтвах.
Нядаўна  рабяты  ў  чарговы  раз  удзель-нічалі  ў  абласных  алімпійскіх  днях  па  валейболе,  дзе  іх  сапернікамі  былі  мацнейшыя  каманды  вобласці.  Нашы  юныя  валейбалісты  паказалі  дастойную  гульню  і  занялі  2-е  месца.  У  саставе  каманды:  Андрэй  Каляда,  Мікіта  Кальчэўскі,  Аляксандр  Шпак,  Арсеній  Сілін,  Яўген  Казлоў,  Аляксандр  Кошаль  (Максімавіцкая  СШ),  Сяргей  Скудны,  Яўген  Жылавачык  і  Аляксандр  Кушнер  з  Пярэкальскай  СШ.  Рыхтавалі  каманду  трэнеры   Я. В. Кароткі  і  У. А. Ільінчык.

Спаборнічалі  будучыя  абаронцы  Айчыны

У  спартакіядзе  па  многабор’і  сярод  дапрызыўнай  і  прызыўнай  моладзі  ўдзельнічалі  7  каманд  з  сярэдніх  школ  раёна.
Юнакі  спаборнічалі  ў  стральбе  з  пнеўматычнай  вінтоўкі,  падцягванні  на  перакладзіне, лыжных  гонках.  У  выніку  напружанай  барацьбы  вызначыліся  пераможцы.  У  камандным  заліку  лідзіравалі  клічаўляне,  вучні  СШ  № 2  горада.  У  складзе  каманды  выступалі:  Яўген  Каўшырка,  Уладзіслаў  Ерафееў,  Раман  Кніга,  Станіслаў  Коўрык, Дзмітрый  Бондар,  Уладзімір  Аляхновіч.  Рыхтаваў  каманду  настаўнік  фізічнай  культуры  М. А. Бяляўскі.  На  другім  месцы – вучні  Пярэкальскай  СШ  (настаўнік  дапрызыўнай  падрыхтоўкі  В. У.   Чэрап),  каманда  Максімавіцкай  СШ  заняла  3-е  месца.
У  асабістым  заліку  не  было  роўных  Раману  Кнігу  (СШ № 2),  які  абышоў  усіх  сапернікаў  у  лыжных  гонках  і  стральбе  з  пнеўматычнай  вінтоўкі.  На  другім  месцы –  Дзмітрый  Самсонік  з  Пярэкальскай  СШ,  замыкае  тройку  лідараў  Андрэй  Каляда  (Максімавіцкая  СШ).
Лепшыя  вынікі  ў  падцягванні  на  перакладзіне  (па  27  разоў  у  кожнага)  ва  Уладзіслава  Ерафеева  (СШ  № 2)  і  Яўгена  Ганчарова  з  Дзмітраўскай  СШ.

Сяргей  БЕЛАБАРОДЫ, дырэктар  ДЮСШ.