Навучанне і выхаванне падрастаючага пакалення заўсёды былі і застаюцца важнейшымі задачамі школы. Якасць атрыманых ведаў – адзін з паказчыкаў, да якога імкнуцца ўсе педагогі і вучні. Апошнія гады выпускнікі раёна паказваюць добрыя веды на ўступных іспытах, якія праходзяць у форме тэстаў, і паспяхова паступаюць у вышэйшыя, сярэднія спецыяльныя навучальныя ўстановы. Менавіта таму месцам правядзення абласнога семінара кіраўнікоў навучальных агульнаадукацыйных устаноў быў выбраны наш раён. Тэма яго – «Кіраванне працэсам павышэння якасці навучання і выхавання ў агульнаадукацыйнай прасторы сучаснай школы».
З самай раніцы ў СШ № 1 імя Героя Савецкага Саюза П. А. Крываноса ўсё было гатова для сустрэчы гасцей. У вызначаны час дэлегацыя прыбыла на клічаўскую зямлю. Яе віталі начальнік аддзела ідэалагічнай работы Г. В. Ерашэнка, начальнік аддзела адукацыі І. Б. Хадановіч, адміністрацыя школы.

Удзельнікі семінара азнаёміліся з эфектыўнымі спосабамі кіравання якасцю адукацыі ў школе і вызначылі накірункі дзейнасці кіраўнікоў і іх намеснікаў па рашэнні гэтай праблемы. У ходзе семінара была звернута ўвага на вырашэнне задач, якія забяспечваюць умовы і садзейнічаюць павышэнню кіраўніцкай культуры кіраўнікоў агульнаадукацыйных устаноў і іх намеснікаў, удасканальванню іх кампетэнтнасць. Адкрыла семінар намеснік начальніка
ўпраўлення адукацыі Магілёўскага аблвыканкама С. В. Ляонава. Удзельнікі наведалі ўрокі літаратурнага чытання ў 4 «Б» класе (настаўніца А. М. Эртман, (здымак 2), рускай мовы ў 5 «В» (настаўніца А. В. Калашнікава), урокі матэматыкі ў 8 «А» класе (настаўніца З. М. Арцем’ева), факультатыў па матэматыцы ў 10 «А» (настаўніца А. А. Шакола), урок біялогіі ў 9 «А»  (настаўніца С. С. Барадуліч), беларускай мовы ў 7 «А» (настаўніца А. В. Солтан), гісторыі ў 5 «Б» класе (настаўніца В. В. Шымановіч). У час семінара аб прыярытэтных накірун ках развіцця сістэмы адукацыі ў раёне расказала І. Б. Хадановіч; во пытам работы па арганізацыі дзейнасці агульнаадукацыйнай школы ў дасягненні якасці навучання і выхавання пад зяліліся В. В. Сазанавец, дырэктар школы, і яго намеснікі Т. В. Караткевіч, Э. Р. Зінкевіч, І. К.  Александровіч. Госці наведалі выхаваўчае мерапрыемства «Зямля бацькоў – мая зямля», прынялі ўдзел у дзелавой гульні «Кіраванне якасцю адукацыі: шляхі,  формы, сродкі», усклалі кветкі да Кургана Бессмяротнасці.

Ала СУДНІК