У  жыцці  камуністаў  раённай  арганізацыі  КПБ  адбылася  важная  падзея – абмен  партыйных  білетаў.

Гэта  абумоўлена  тым,  што  ў  назве  білетаў  мінулага  ўзору  пазначана: «Камуністычная  партыя  Савецкага  Саюза»,  які  зараз  не  існуе.  Змянілася  некалькі  і  назва  рэспублікі,  на  рускай  мове  пішуць  ужо  не  «Белоруссии»,  а  «Беларуси».  Усё  зараз  прыведзена  ў  адпаведнасць  і  ў  партыйных  дакументах
Абмен  партыйных  білетаў  быў  прымеркаваны  да  дня  правядзення  справаздачна-выбарчага  сходу.  Сакратар  партарга-нізацыі  Жаўняк  Л. М.  у  сваім  дакладзе  адзначыла,  што  камуністы  заўсёды  вызначаліся  актыўнай  жыццёвай  пазіцыяй.  Яны  і  зараз  прымаюць  актыўны  ўдзел  у  грамадска-палітычным  жыцці,  у  тых  мерапрыемствах,  якія  праводзяць  мясцовыя  органы  ўлады.
У  час  правядзення  апошніх  выбараў  дэпутатаў  у  мясцовыя  органы  ўлады  чацвёра  камуністаў  працавалі  ў  раённай  і  ўчастковых  камісіях,  астатнія  былі  назіральнікамі  на  ўчастках,  дзе  праходзіла  галасаванне.  Вялікае  ўражанне  на  камуністаў  аказаў  XXXV  з’езд  Саюза  Камуністычных  партый,  які  прайшоў  у  г. Мінску  1  лістапада  гэтага  года  і  ўдзел  у  якім  прынялі  17  камуністычных  партый.  Прывітанне  дэлегатам  з’езда  накіраваў  Прэзідент  Рэспублікі  Беларусь  А. Р. Лукашэнка.  Гэта  значна  павысіла  аўтарытэт  Камуністычнай  партыі  Беларусі  сярод  брацкіх  партый.
Галоўную  задачу  раённая  партарганізацыя  бачыць  у  патрыятычным  выхаванні  моладзі,  выкрыванні  фактаў  фальсіфікацыі  гісторыі.  «Ведай  гісторыю  сваёй  краіны,  месца  ў  ёй  сваёй  сям’і» – пад  такім  дэвізам  па  ініцыятыве  партыйнай  арганізацыі  аб’яўлены  конкурс  творчых  работ  да  70-годдзя  Перамогі  савецкага  народа  ў  Вялікай  Айчыннай  вайне,  у  якім  могуць  прыняць  удзел  і  дарослыя,  і  навучэнцы.
Партыйная  арганізацыя  працуе  ў  цесным  кантакце  з  грамадскімі  аб’яднаннямі,  яе  ініцыятывы  заўсёды  падтрымлівае  і  аказвае  дапамогу  ідэалагічны  аддзел  райвыканкама.  У  гэтым  годзе  аднавілі  сваё  членства  ў  КПБ  Кончыц  І. Я.  і  Арцем’еў, В. П.,  але  партыйная  арганізацыя  застаецца  нешматлікай.  Ростам  яе  радоў  займаюцца  камуністы.
Выступаючы  на  сходзе,  Кляўко  Н. С.,  Сінькевіч  М. А.,  Самец  З. І.,  Лук’яновіч   Г. П.,  Буйвіла  В. Г.  адзначылі  творчы  падыход  да  справы  Жаўняк  Л. М.,  яе  энергічнасць,  прынцыповасць,  адказнасць.  Яна  аднагалосна  абрана  і  надалей  сакратаром  раённай  арганізацыі  КПБ.

Ніна  КЛЯЎКО,
член  КПБ.
Фота  А. Ганчаровай.