У раённым конкурсе сярод спецыялістаў па штучным асемяненні буйной рагатай жывёлы ўдзельнічалі 24 чалавекі з усіх гаспадарак раёна. Наколькі сур’ёзнымі былі іспыты і дасканалымі веды, сведчыць канчатковы рэзультат. 
Самы высокі паказчык – 97,9 і 97,8 бала – у жывёлаводаў УКСП «Саўгас «Ольса» Валянціны Васільеўны Астроўскай і Юліі Сяргееўны Александровіч, яны занялі 1-е і 2-е месцы.
3-е і 4-е месцы – у жывёлаводаў ААТ «Максімавічы-Агра». Людміла Віктараўна Лёпа набрала 96 балаў, а Анатоль Вячаслававіч Сотнікаў – 88,8. На 5-й і 6-й пазіцыях – Алена Мікалаеўна Болак з ААТ «Коўбча -Агра» і Алена Дзмітрыеўна Зуева з УКСП «Саўгас «Дабраволец». Пераможцы прафесійнага конкурсу ўзнагароджаны каштоўнымі падарункамі райкама прафсаюза работнікаў АПК.
Журы конкурсу хадайнічае перад кіраўнікамі шэрагу гаспадарак аб прысваенні 8 спецыялістам звання «Майстар жывёлагадоўлі 1-га класа» і яшчэ двум – «Майстар жывёлагадоўлі 2-га класа».

Вольга ЗАЯЦ, начальнік філіяла РСУПП па Клічаўскім раёне.