На Клічаўшчыне ў разгары ўкос азімага жыта, у тым ліку беларускага сорту «Укоснае», свірэпіцы і вікі – так званых кулісных пасеваў, якія высяваюцца палосамі. Гэта адзін з самых ранніх відаў веснавой зялёнай падкормкі для грамадскага статка. З іх закладваецца першы сілас у гаспадарках. Што датычыцца харчовай каштоўнасці, то бялковую складаемую корму забяспечвае свірэпіца, а цукрамі абагачае менавіта жыта. Насенне гэтых культур недарагое, таму ранняя кармавая база не б’е па кішэні сельгасвытворцаў.

Сёлета ў раёне больш за 1500 гектараў кулісных пасеваў. З іх і пачалі нарыхтоўку кармоў у сельгасгаспадарках раёна.
Аб гэтым – наш рэпартаж з ААТ «Бацэвічы-АГРА». Сёння ў гаспадарцы ўтрымліваецца 2,222 тысячы галоў буйной рагатай жывёлы. Толькі на падкормку штодня выкарыстоўва юць 31 тону зялёных сакавітых кармоў, якія значна павялічваюць надоі.
Па стане на 25 мая ў гаспадарцы завяршылі першую сіласную траншэю каля малочна-таварнай фермы «Комплекс-1» у аграгарадку Бацэвічы, у якую закладзена пад 1300 тон «зялёнкі». Корманарыхтоўчы канвеер працуе дакладна і зладжана. У ім задзейнічана значная частка працоўнага калектыву. На корманарыхтоўчых камбайнах шчыруюць Анатоль Маркаў і Сяргей Голуб, на адвозцы зялёнай масы заняты вадзіцель МАЗа Валерый Касцян, трактарысты Віктар Шчаглоў, Валерый Тарэлка, Аляксандр Яскевіч, Сяргей Ананіч. Трамбуе масу на магутным «Амкадоры»
Мікалай ЗакржэўскІ.

Улік танажу здробненай зелёнай масы і кантроль за якасцю кармоў, што закладваюцца ў траншэю, дакладна вядуць брыгадзір паляводчай брыгады Наталля Вайтусёнак і заатэхнік Вольга Сырамалот. Зялёнаўкосная маса не прызначаецца на доўгае захоўванне і будзе выкарыстана на корм жывёле праз паўтара месяца.
Кармы для зімова-стойла вага ўтрымання закладваюцца з траў першага ўкосу. Пачнецца касавіца ў сельгаспрадпрыемстве з люцэрны і канюшыны. Яшчэ тыдзень-паўтара –
і запяюць сваю песню косы, застракочуць па роснай буйнай траве касілкі. Лета ж зіму корміць!

Тэкст і фота: Ніна ІЗОХ