Клічаўляне перадалі манеты для праекта «Жывая памяць удзячных нашчадкаў». Прыняць удзел мог кожны.

Як расказала старшыня раённага аддзялення Беларускай партыі «Белая Русь» Галіна ДАНІЛКІНА, у сакавіку гэтага года рэспубліканскае грамадскае аб’яднанне «Белая Русь» і Беларуская партыя «Белая Русь» падпісалі пагадненне аб супрацоўніцтве з Мясцовым дабрачынным фондам імя Аляксея Талая. Гэты фонд яшчэ ў 2021 годзе ініцыіраваў ідэю стварэння памятных знакаў «Жывая памяць удзячных нашчадкаў» у трох кропках саюзнай дзяржавы: у горадзе-героі Мінску, горадзе-героі Маскве і Брэсцкай крэпасці-героі.

У рамках праекта раней ужо адкрыты дзве культурныя экспазіцыі ў Мінску і Брэсце. Апошнім быў збор манет на стварэнне помніка на Паклоннай гары ў Маскве.
Адна з асаблівасцей праекта – кожны чалавек, сям’я маглі перадаць свае манеты ў сплаў помніка ў знак удзячнасці пакаленню Пераможцаў, што асабліва сімвалічна ў год 80-годдзя Вялікай Перамогі.
З пачатку акцыі ў ёй прынялі ўдзел многія працоўныя калектывы і жыхары раёна. А напрыканцы мінулага тыдня да акцыі па сборы манет далучыліся і настаўнікі, навучэнцы ДУА «Дзіцячая школа мастацтваў г. Клічава». Гэтыя сродкі таксама будуць накіраваны на стварэнне помніка на Паклоннай гары.