Восень у палову ўвабралася. У Клічаве, як і па ўсёй Беларусі, ды і ў суседніх краінах, пануе позняе бабіна лета. І не які там тыдзень, а ўжо добры месяц. Суха, сонечна, у  паветры плавае павуцінне. У народзе прыкмечана: «Шмат павуціння ў паветры – да яснай восені і марознай зімы».

Пакуль жа надвор’е трымае тэмпературныя рэкорды. Так, паводле даных Клічаўскай метэастанцыі, 14 кастрычніка слупок тэрмометра днём паказваў плюс 19,1 градуса! А па народных прыкметах, на Пакровы звычайна на зямлю кладзецца першы снег! Але ўсё ж сярэднесутачная тэмпература за названы дзень склала толькі на 0,5 градуса больш за шматгадовую кліматычную норму. Бо дні цёплыя, а ночы – ясныя, халодныя.

Аб маразах мы яшчэ і не задумваемся. Толькі не камунальнікі. Ужо ў канцы жніўня яны завяршылі ўсе падрыхтоўчыя работы і былі поўнасцю гатовы да ацяпляльнага сезона. Як расказала нам вядучы інжынер вытворча_тэхнічнага аддзела Клічаўскага УКП «Жылкамгас» Надзея Міхайлаўна КАЛУБАЙ, на балансе прадпрыемства параёне знаходзіцца 18 кацельных, якія ацяпляюць жылы фонд, установы адукацыі, аховы здароўя, гандлю і іншыя. У рамках падрыхтоўкі да ацяпляльнага перыяду праведзены прафілактычны рамонт усіх гэтых кацельняў і выпрабаванне іх абсталявання. Кожны такі аб’ект, згодна з графікам, з канца ліпеня па жнівень прайшоў праверку Бабруйскай інспекцыі Магілёўскага абласнога ўпраўлення Дзяржпрамнагляду і Клічаўскай інспекцыі энерганагляду РУП «Магілёўэнерга», і на кожны з іх своечасова атрыманы пашпарт гатоўнасці.

У нашым горадзе амаль 20 кіламетраў цепласетак. У летні час адрамантавана іх цеплаізаляцыя, напярэдадні ўключэння ацяплення праведзены гідраўлічныя вы прабаванні цепласетак. У Клічаве замене_на 0,673 км старых цепласетак, якія функцыянавалі больш за 25 гадоў, на новую ПІ-трубу, якая характарызуецца доўгім тэрмінам эксплуатацыі і нізкай цепластратай. Работы выкананы на ўчастку цепласеткі ад вуліцы Савецкай да Чырвонаармейскай, да якой падключаны цяпер дзіцячы садок №1 і пяць двухкватэрных жылых дамоў.

Нарыхтаваны прадпрыемствам і належны запас паліва на ацяпляльны сезон. Так, па стане на 1 кастрычніка гэтага года было назапашана ўжо 10,5 тысячы шчыльных метраў кубічных дроў і 11 тысяч шчыльных метраў кубічных шчапы, у тым ліку ўласнымі сіламі – 1,2 тысячы шчыльных метраў кубічных дроў і 1,8 тысячы шчыльных метраў кубічных шчапы. Нарыхтоўка мясцовых відаў паліва працягваецца.

Зараз на ўсіх кацельных сельскіх участкаў УКП «Жылкамгас» і цэнтральнай гарадской кацельнай гарачая пара – пачатак ацяпляльнага сезона. Як паказвае практыка, менавіта ў гэты час узнікае безліч вытворчых дробных праблем, якія патрэбна аператыўна ўхіліць.

«Ацяпленне Клічава, – адзначае старшы майстар участка цеплатэхнікі Сяргей Іванавіч МАЦЮШОНАК, – мы пачалі з 3 кастрычніка. Паступова ўводзілі аб’екты аховы здароўя, адукацыі, будынкі ўстаноў, арганізацый, прадпрыемстваў і, вядома ж, жылы фонд. Удакладню: у Клічаве мы падаём цяпло ў больш за 2000 кватэр. Хацеў бы адзначыць, што на запуск усёй сістэмы ацяплення ў горадзе даецца каля 10 дзён.

Асноўныя праблемныя рабочыя моманты ў такі перыяд – запаветрыванне сістэмы ацяплення, з_за чаго ў шэраг кватэрне паступае цяпло. Адсюль нямала заявак, ёсць скаргі ад людзей. Так, у першыя дні ацяпляльнага сезона ў дыспетчарскую прадпрыемства паступала іх штодня да 20-30. Натуральна, што я і 4 нашы слесары, газаэлектразваршчык як бы ні стараліся, а фізічна не маглі адразу дапамагчы ўсім. Яшчэ і такі момант. Толькі страўліван не паветра ў кватэрах верхніх, пятых, паверхаў шматпавярховых дамоў, дазваляе належным чынам падаць цяпло ў жыллё. Але часта такія кватэры пустуюць, замкнёныя, а іх уласнікі надоўга з’ехалі, жывуць у іншых гарадах, часам і краінах. Была сітуацыя, што летась УКП «Жылкамгас» нават дастаўляў такіх горагаспадароў на ўласным транспарце са сталіцы. Сёлета сітуацыя таксама жадае быць лепшай. Але ж мы прымаем усе меры, каб любую праблему вырашаць аператыўна».

Што ў цэлым да ацяплення горада, то яно праводзіцца ў адпрацаваным рабочым рэжыме. Цяпер – у рэжыме працеплівання. Будуць халады і маразы – тры катлы на мясцовым паліве цэнтральнай гарадской кацельні запрацуюць на поўную магутнасць. Турбуе адно: гэтыя катлы ў гарадской кацельнай старыя і патрабуюць ужо замены. Пры тэмпературы паветра ніжэй за 15 градусаў у работу падключыцца рэзервовы кацёл, што працуе на прыродным газе. Працоўны ж калектыў участка цепласетак – з’яднаная каманда прафесіяналаў. Справа забеспячэння горада цяплом – у іх надзейных руках.

У кагорце адданых і надзейных кадраў участка цеплатэхнікі – старшы аператар гарадской кацельнай Мікалай Аляксеевіч Шынкевіч, аператар Дзмітрый Аляксандравіч Бацюк і слесар па абслугоўванні газавага абсталявання Сяргей Уладзіміравіч Юркавец (на фота злева направа). Працуюць у адной змене. Разумеюць адзін аднаго з паўслова. Інакш нельга: у адказнасці за складанейшую і небяспечную сістэму гарадской кацельнай.

Фота зроблена на фоне аднаго з катлоў, што працуюць на мясцовым паліве. Вышыня яго 6 метраў, а спальваецца ў ім за суткі да 15 шчыльных метраў кубічных шчапы.

Ніна ІЗОХ. Фота аўтара.