У раёне

У раёне

Патрэбна праца – дапаможа дзяржаўная служба занятасці 

Вы займаецеся пошукам працы? Дапамогу акажуць ва ўпраўленні па працы, занятасці, сацыяльнай абароне райвыканкама.

– Сёння ў раёне ёсць 82 вакансіі, – адзначае намеснік начальніка ўпраўлення Марына ЛОСЕВА. – Патрэбны кадры на прадпрыемствы сельскай і лясной гаспадаркі, вадзіцелі і прадаўцы, а таксама спецыялісты ў розныя сферы. 

Мы таксама запрашаем беспрацоўных прайсці перанавучанне ў іншых гарадах па рабочых прафесіях: повар, кандытар, цырульнік, газаэлектразваршчык і іншых. Пад час навучання выплочваецца стыпендыя, прадастаўляецца жыллё. 

У красавіку-маі ў Клічаве пачне заняткі група «Машыніст (качагар) кацельнай». Навучанне будуць праводзіць спецыялісты з абласнога вучэбнага цэнтра на базе Клічаўскага УКП «Жылкамгас». Дарэчы, у групе будзе займацца не менш як 12 чалавек, і яна ўжо фарміруецца.

Аб тым, што дапамога беспрацоўным раёна дзейсная, гаворыць статыстыка. За 2022 год праз упраўленне працаўладкаваны 251 чалавек, у тым ліку, часова занятая моладзь у вольны ад вучобы час – 95. Перанавучанне прайшлі 15 чалавек, а 3-м выдадзены субсідыі на арганізацыю прадпрымальніцкай дзейнасці: у галіне лесанарыхтовак і аказанні паслуг цырульні і салонаў прыгажосці.

Дарэчы, самастойна адсочваць сітуацыю і знайсці сабе добрае месца працы можна на сайце дзяржаўнай службы занятасці: gsz.gov.by.

Адпачываем цікава!

Тым, хто не любіць бавіць вольны час дома на канапе, раённы Дом культуры пастаянна прапануе цікавыя мерапрыемствы. Адно з апошніх для дзяцей і ўсёй сям’і ў мінулую суботу – сеанс кіно «Тайна амулета» у жанры фэнтазі. 

А вечарам 1 лютага гараджане і вяскоўцы могуць тут цудоўна адпачыць на канцэрце вядомай беларускай групы «Дразды». Заяўкі на канцэрт актыўна робяць і арганізацыі. Білеты пакуль ёсць!

Пуцёўку ў летні лагер … зімой!

У школах толькі пачалася трэцяя вучэбная чвэрць, дзеці ўпарта авалодваюць ведамі. А іх бацькі ўжо зараз у турботах: дзе ж будуць адпачываць сын або дачка летам? У мінулым годзе пуцёвак у лагеры ўсім не хапіла, нават за ўласны поўны яе кошт…

Як паведаміў дырэктар аздараўленчага лагера «Вольса» Ігар МАЦЮШОНАК, установа ўжо пачала прыём заявак на пуцёўкі ад юрыдычных асоб на 2023 год. Актыўна робяць заяўкі арганізацыі з усіх рэгіёнаў Магілёўшчыны, суседніх абласцей, Бабруйска, Магілёва, Мінска. 

Ад Клічаўскага раёна пакуль што заказаны пуцёўкі для аздараўлення дзяцей, бацькі якіх працуюць у бюджэтнай сферы, а таксама для дзяцей-сірот, дзяцей-інвалідаў. З сельгаспрадпрыемстваў зрабіў заяўку на летні адпачынак дзяцей сваіх работнікаў толькі УКСП «Саўгас «ДАБРАВОЛЕЦ».

Між тым, не ўсе бацькі ведаюць, што за пуцёўкамі для дзяцей патрэбна звярнуцца ў прафсаюзны камітэт або камісію па аздараўленні сваёй арганізацыі.

Так, час яшчэ ёсць, але аб пуцёўках лепш паклапаціцца загадзя.

Тэкст: Ніна ІЗОХ

Последние новости

Общество

В суде рассказали, за какую «оценку личности» можно нарваться на штраф до 8400 рублей

28 июля 2025
Читать новость
Общество

Пособия по уходу за ребенком в Беларуси вырастут в августе

28 июля 2025
Читать новость
80-ЛЕТИЮ ВЕЛИКОЙ ПОБЕДЫ

81 год назад была полностью освобождена Беларусь

28 июля 2025
Читать новость
Это интересно

Как «купить» счастье: 7 вещей, на которые можно и нужно тратить деньги

25 июля 2025
Читать новость
Актуально

Клічаўляне адправіліся ў вандроўе па Вялікаму Княству Сула

25 июля 2025
Читать новость
Прямые телефонные линии

Прямая телефонная линия

25 июля 2025
Читать новость