Гатовы Радзіме служыць

Гатовы Радзіме служыць

У школах раёна праведзены дадатковыя мерапрыемствы ваенна-прафесійнай арыентацыі.

На мінулым тыдні ў Нясяцкай і Пярэкальскай сярэдніх школах начальнік абасобленай групы (Клічаўскага раёна) ваеннага камісарыята Асіповіцкага і Клічаўскага раёнаў Яўген КАЎШЫРКА сустрэўся з навучэнцамі выпускных класаў. Пад час прафарыетацыйнай гутаркі з старшакласнікамі, Яўген Сяргеевіч падрабязна спыніўся на пытаннях паступлення ў вышэйшыя ваенныя навучальныя ўстановы. Патэнцыяльным кандыдатам для паступлення ў такія ВНУ ўручаны персальныя запрашэнні.
Пад час сустрэчы моладзі даведзена інфармацыя і аб кантрактнай службе ва Ўзброеных Сілах Рэспублікі Беларусь.
Прафесія Радзіме служыць сярод моладзі Клічаўшчыны запатрабавана. Сёлета кандыдатамі на паступленне ў ваенныя ВНУ былі ў раёне пяцёра чалавек, але толькі адзін з іх змог стаць курсантам Ваеннай акадэміі Рэспублікі Беларусь. Зараз заяву ў ваенкамат аб паступленні ў 2025 годзе падалі ўжо трое выпускнікоў абедзьвух клічаўскіх школ. Ёсць кандыдаты на паступленне і з сельскіх школ раёна.
12 снежня прадстаўнікі Клічаўскага раёна на чале з Яўгенам Каўшыркам, а ўсяго гэта 46 навучэнцаў устаноў адукацыі, разам з кіраўнікамі па ваенна-патрыятычным выхаванні і прадстаўніком аддзела па адукацыі райвыканкама Жанай ЮРКАВЕЦ, прынялі ўдзел у ваенна-патрыятычнай акцыі «Гатовы Радзіме служыць», якая праходзіла ў Бялыніцкім раёне. Арганізатарамі мерапрыемства выступілі ўстановы вышэйшай ваеннай адукацыі Беларусі і Магілёўскі абласны ваенны камісарыят.
Прадстаўнікі Ваеннай акадэміі Рэспублікі Беларусь і ваенных факультэтаў грамадзянскіх ВНУ нашай краіны падрыхтавалі для школьнікаў інтэрактыўныя пляцоўкі, дзе рабяты даведаліся аб тым, як стаць курсантамі і прымералі на сябе розныя ваенныя спецыяльнасці, пазнаёміліся з навінкамі сучаснага ўзбраення і зброі мінулых гадоў.

Уласны погляд Яўген Каўшырка:
– Ва ўсе часы ваенная служба была справай гонару, школай мужнасці і самаахвярнасці, а да прафесіі ваеннага заўсёды ставіліся з асаблівай пашанай і павагай. «Ваенная выпраўка», «афіцэрскі гонар», «салдацкая доблесць» – гэта далёка не поўны спіс таго, што прыцягвае маладых лю­дзей пры выбары дадзенай прафесіі. У ёй вельмі важныя мэтанакіраванасць, стойкасць духу, уменне пераадольваць цяжкасці, бо ваенная прафесія не з лёгкіх. Кожны грамадзянін абавязаны служыць у войску і несці абавязак перад Радзімай. Бо абарона роднай зямлі, сваёй краіны – свяшчэнны абавязак. Гэта сімвал гераізму, стойкасці і патрыятызму.

Тэкст: Ніна ІЗОХ.

Последние новости

Знай наших

Выпускница Кличевской школы рассказывает о своём поступлении

22 августа 2025
Читать новость
Ветераны

Кличевские ветераны посещают Музей Славы Могилёвщины

22 августа 2025
Читать новость
Знай наших

Желанная ягода от Кличевского лесхоза

22 августа 2025
Читать новость
Год малой радзімы

Герои Кличевской жатвы

22 августа 2025
Читать новость
Актуально

Мужчина таинственно исчез в Минске 19 лет назад. Недавно его нашли

21 августа 2025
Читать новость
Актуально

Почему листья меняют цвет?

21 августа 2025
Читать новость

Рекомендуем