У раёне

У раёне

Новы падыход да звыклай дыспансерызацыі

Як расказаў галоўны ўрач УЗ «Клічаўская ЦРБ» Ігар ДЭЦЫК, з пачатку года ў райбальніцы, як і па ўсёй Беларусі, дыспансерызацыя дарослага і дзіцячага насельніцтва праводзіцца па новых правілах. Змяненні ўнесены пастановай Міністэрства аховы здароўя Рэспублікі Беларусь №83. Згодна з ім, зараз дыспансерызацыя накіравана на медыцынскую прафілактыку, прапаганду здаровага ладу жыцця і выхаванне адказнасці людзей за сваё здароўе. Дзіцячае насельніцтва дзеліцца на дзве ўзроставыя групы: да 1 года і з 1 да 17 гадоў. А дарослыя: з 18 да 39 (дыспансерызацыя – 1 раз у тры гады) і з 40 гадоў і старэй (штогод).

Зараз першы этап пры наведванні ўрача дарослымі – праходжанне анкета­вання, якое ўключае 24 нескладаныя пытанні пра вас і ваша здароўе. У ім 4 блокі на выяўленне фактараў рызыкі сардэчна-сасу­дзістай сістэмы, развіцця цукровага дыябету, анкалагічных і хранічных абструктыўных захворванняў лёгкіх – захворванняў з самай высокай смяротнасцю і інваліднасцю.

Дарэчы, анкетаванне можна прайсці анлайн або ў традыцыйнай форме, запоўніўшы анкету. Па выніках анкетавання кожнаму чалавеку будуць дадзены рэкамендацыі аб тым, якія патрэбна прыняць меры, каб паклапаціцца пра сваё здароўе.

І яшчэ. Дыспансерызацыю па новых правілах рэкамендавана прайсці літаральна ўсяму даросламу насельніцву Клічаўшчыны, а гэта каля 11,5 тысячы чалавек.

Акцыя «Абеліск»

Штогод ва ўстановах адукацыі Клічаўшчыны праходзіць акцыя «Абеліск». Гэту добрую традыцыю навучэнцы школ раёна разам з педагогамі падтрымліваюць пастаянна, рэгулярна прыводзяць у парадак помнікі і абеліскі. Зімой дзеці разам з настаўнікамі расчышчалі помнікі і абеліскі ад снегу, а з наступленнем цяпла займаюцца ўборкай і добраўпарадкаваннем іх тэрыторый.

На сёння такую работу па добраўпарадкаванні помнікаў і абеліскаў правялі навучэнцы Дзмітраўскай, Каўбчанскай, Пярэкальскай сярэдніх школ, а таксама сярэдняй школы №2 г. Клічава. 

Добраўпарадкаванне месцаў пахавання воінаў і партызан, помнікаў і абеліскаў – гэта не проста праца, гэта даніна памяці, павагі і бясконцай удзячнасці тым, хто цаной свайго жыцця падарыў нам мір і спакой.

Усяго ж установы адукацыі раёна пастаянна добраўпарадкоўваюць тэрыторыі 52-х помнікаў і абеліскаў перыяду Вялікай Айчыннай вайны.

Адпачнем культурна!

Арганізацыя культурнага адпачынку насельніцтва – галоўнае ў дзейнасці калектыву раённага Дома культуры. Дарослых і дзяцей запрашаюць на заняткі ў аматарскія аб’яднанні. Праводзяць тут і нямала мерапрыемстваў. Напрыклад, толькі напрацягу 20 красавіка ў РДК пройдуць: раённыя конкурсы «Дарогамі вайны» і «Праз гады, праз вякі – помніце», справаздачны канцэрт ДУА «Дзіцячая школа мастацтваў г.Клічава».

28 красавіка на сцэне РДК выступіць тэатр цыганскай песні «Жемчуга» (г. Мінск). Білеты ўжо ў продажы! 

Тэкст: Ніна ІЗОХ.

Последние новости

Актуально

“Пиджак, жилет, брюки”. Минобразования законодательно закрепило требования к деловому стилю одежды 

4 июня 2025
Читать новость
Общество

Семейная память: сотрудники Кличевского ОВД с детьми посетили памятные места Беларуси 

3 июня 2025
Читать новость
Актуально

Александр Лукашенко прибыл с визитом в Китай. Рассказываем, что на повестке

3 июня 2025
Читать новость
Безопасность

Под видом электриков –мошенники

3 июня 2025
Читать новость
Благоустройство

Благоустройство по новым правилам

3 июня 2025
Читать новость
Праздники

«Звонкое лето – детства планета» –­ под таким названием ­1 июня прошёл праздник для юных кличевлян

3 июня 2025
Читать новость