Вось  ужо    больш  як  50  гадоў  УА  “Клічаўскі  дзяржаўны  аграрна-тэхнічны  каледж” – кузніца  кадраў  сярэдняга  звяна  для  аграрна-прамысловага  комплексу  Магілёўшчыны  і  Беларусі.
Сёння  на  дзённым  аддзяленні  тут  займаецца  больш  за  430  навучэнцаў,  асноўная  іх  колькасць – юнакі,  будучыя  абаронцы  Айчыны.   Яны  на  сам  рэч  маюць  тут  усе  ўмовы   як  для  заняткаў  фізічнай  культурай, так  і для  прафесійных  заняткаў  спортам.  Для  навучэнцаў  у  інтэрнатах  і  вучэбным корпусе  каледжа  ёсць  залы  для  агульнай  фізічнай  падрыхтоўкі,  трэнажорныя  залы  для  атлетычнай  гімнастыкі  і рукапашнага  бою.  Для тых,  хто  займаецца  спортам  на  ўзроўні  вышэй  аматарскага,  ёсць  асобная  невялічкая   зала  для  гіравога  спорту  са  штангамі,  гірамі,  перакладзінамі,  трэнажорам.
Быць  здаровым  сёння — модна,  за-класці пад  час  вучобы  падмурак  уласнага здароўя  на  ўсё  жыццё  – задача  мінімум  для  мясцовых  студэнтаў. Стаць   самым  дужым,  моцным  на  курсе,  адным  з  лепшых спартсменаў  у  каледжы  –  задача  максімум  для  многіх з  іх.  Нядаўна  ў  каледжы  праходзіў  Тыдзень  здароўя  ў  рамках  міжведамаснай  прафілактычнай  акцыі  «Разам  супраць  наркотыкаў».   Амаль  кожны  вечар  тут  ладзіліся  самыя  розныя  спартыўныя  спаборніцтвы,  вітаў   дух  саперніцтва,  кіпелі  пачуцці,  а  дасягненні  і  промахі  палка  абмяркоўваліся і  ў  пакоях  інтэрнатаў,  і  на  перапынках паміж  лекцыямі.
Першыя  чэмпіёны  каледжа – па  дартсе  былі  вызначаны  11 лютага.  Так,  1-е  месца  ў  асабістым  заліку  заваяваў  Цімафей  Маісеенкаў (гр.  2м-13),  які   набраў  39  ачкоў  з  50 магчымых.
У  камандным заліку  ў  гэтым  відзе  спорту  перамогу  атрымала  група  2м-13,  члены  якой  набралі  71  ачко  са  100  магчымых.  Другое  і  трэцяе  месца  занялі  адпаведна  групы  3м-14  і  4ум-15.
Як  заўсёды  важка і  ярка  заявілі  аб  сабе  цяжкаатлеты  з  секцыі  гіравога  спорту – выхаванцы  трэнера  С. Г. Сясьмея.  Тут  на  памост  выйшлі  ўдзельнікі   чатырох  вагавых  катэгорый.  Барацьба  была  ўпартай,  беcкампраміснай.  Але  ў спорце  перамагае  той,  хто  дасягнуў  лепшага  рэзультату.  Так,  у  вагавай  катэгорыі   ўдзельнікаў  да  60  кілаграмаў (гіра  16  кілаграмаў)  пераможцам  стаў Максім Дзербан,  група   4м-15,  які  падняў  гіру  105  разоў.  Самым  дужым  у  катэгорыі  ўдзельнікаў звыш  60  кілаграмаў  стаў  Мікалай  Філіпенка    (гр. 4м-15),  яго  вынік – 143  пад’ёмы  16-кілаграмовай  гіры.
У  вагавай  катэгорыі  спартсменаў  звыш  70  кілаграмаў  лепшы  вынік  у  Міхаіла  Юрчанкі  (гр. 3м-14) – 101  пад’ём  24-кілаграмовай  гіры.  Чэмпіёнам  каледжа  ў  вагавай  катэгорыі  звыш  80  кілаграмаў  стаў  Раман  Купрэеў  (гр. 3м-14),  які  выканаў  104  пад’ёмы  такой  жа  24-кілаграмовай  гіры.
У  камандным  заліку  “вікторыю”  заваявалі  гіравікі  групы 3м-14.  На  другім  месцы  цяжкаатлеты  групы  4м-15 ,  на  трэцім –групы  2  рп-13.
Відовішчным  атрымалася  спартыўнае  свята  “Маладзецкія  забавы”,  у  якім   удзельнічалі  групы  першакурснікаў  кале-джа.  Забавы  сапраўды  выдаліся  на  славу!   Хлопцы  спаборнічалі  ў  розных  эстафетах  і  конкурсах,  адчулі  сябе  на  час  сапраўднымі  салдатамі:   за  ўстаноўлены  тэрмін  рабілі  зборку,  разборку  аўтамата  Калашнікава,  запраўлялі яго  магазін  патронамі,  апраналі ваенную  форму  і  елі  армейскую  кашу,  удзельнічалі  ў  ваенізаванай  эстафеце,  творча  прадстаўлялі  візітную  картачку  каманды,  былі  футбалістамі  ў  конкурсе  незвычайнага  фотбола  “Крабы”  і  г.д.  Захапляльным  атрымаўся  і  конкурс  капітаў  камандаў.  Перамогу  ў  ім  заваяваў  Андрэй  Дзянісаў,  капітан  групы  4м-15.
Лаўры  ж  перамогі  “Маладзецкіх  забаў”  дасталіся  камандзе  групы 4э-15.  На  другім  месцы  першакурснікі  групы  4м-15, на  трэ-цім – 4рп-15.
Заключным  спаборніцтвам Тыдня  здароўя  стала  першынство  каледжа  па  кулявой  стральбе  з  пнеўмавінтоўкі,  у  якім  удзельнічала  13  навучальных  груп  каледжа.  Самым  трапным  стралком  каледжа  стаў  Андрэй  Ачыновіч  (гр.4э-15),  які  набраў  37  ачкоў  з  50  магчымых.  Першае  агульнакаманднае  месца  заваявала  група  3рп-14.   Другі  вынік  у  стралкоў  з  групы 3тн-14, трэці –  групы 2ум-13.

Наталля  НАВУМОВІЧ,
намеснік  дырэктара
па  выхаваўчай  рабоце
УА “Клічаўскі  дзяржаўны
аграрна-тэхнічны  каледж”.