– такую  думку  выказаў  у  свой  час  П. Бауст.  Магчыма,  не  ведуючы  гэтага  выказвання,  але  цвёрда  прытрымліваецца  такога  прынцыпу  кожны  школьнік  і  студент,  які  жадае  дасягнуць  сваёй  мэты.  Вучоба – гэта  карпатлівая,  сур’ёзная  праца,  пастаянны  працэс  паглыблення  ведаў  і  самаўдасканальвання.

Такія  прыарытэты  паставіў  для  сябе  і  вучань  9″А»  класа  СШ  № 1  г. Клічава  Андрэй  Мацюшонак.  Яму  15  гадоў,  а  мэтанакіраванасці  можа  па-добраму  пазайздросціць  і  іншы  дарослы  чалавек.

Па  16  школьных  прадметах  у  яго  сярэдні  рэйтынг  паспяховасці  9  балаў.  Расказвае,  што  больш  падабаюцца матэматыка,  інфарматыка,  англійская  мова.  Але  «канёк»  юнака – руская  мова  і  літаратура,  якія  з  пятага  класа  выкладае  ў  іх  Алена  Васільеўна  Калашнікава.  Уцешна,  што  і  ў  век  камп’ютэрных  тэхналогій  высокая паэзія  А. Пушкіна  і  Ю. Лермантава,  А. Фета  і  М. Цвятаевай  ўсё  гэтак  жа  любімыя  і  запатрабаваныя.  А  філалагічныя  здольнасці  Андрэя  бясспрэчныя.  З  першага  знаёмства  кідаецца  ў  вочы  яго  выхаванасць,  высокая  культура  мовы,  а  гэта,  бясспрэчна,  паказчык  адукаванасці,  начытанасці.

Выдатныя  веды  пацвердзіў  ён  і  ў  сёлетніх  прадметных  алімпіядах.  Па  выніках  удзелу  ў  абласной  алімпіядзе  па  рускай  і  мове,  і  літаратуры  ён  заняў  адно  з  чатырох  першых  месцаў  і  ўзнагароджаны  Дыпломам  І  ступені.

А  не  так  даўно  Андрэй  прыняў  удзел  у  рэспубліканскай  алімпіядзе,  якая  праходзіла  на  працягу  некалькіх  дзён  у  горадзе  Гродна.  Рэзультат – са  100  магчымых  балаў  па  рускай  мове  і  літаратуры  ён  набраў  75,5  балаў.  У  выніку  Андрэй  Мацюшонак  займеў  5-ы  рэйтынг  у  рэспубліцы  (па  4-ы – уключна  І  месца)  і  ўзнагароджаны  Дыпломам  ІІ  ступені.

Яшчэ  адна  ўзнагарода  ў  агульную  скарбонку  вучняў  СШ  № 1.  Фотаздымкі  лепшых з  іх  размешчаны  на  стэндзе  «Імі  ганарыцца  школа».  Па  працы  і  пашана.

Н. ІЗОХ