Аб гэтым сведчыць аператыўная зводка Міністэрства сельскай гаспадаркі і харчавання. У лідарах — аграрыі Брэсцкай вобласці, дзе па стане на

14 жніўня намалочана 1131,6 тыс. т. Хлебаробы Магілёўскай вобласці маюць на гэту дату 654,9 тыс. т . Свой уклад у важкі агульны каравай уносіць і Клічаўшчына. На раніцу 14 жніўня ўбраны 7881 гектар хлебных пасеваў, або 75 % да плану, намалочана 25 373 тоны збожжа пры сярэдняй ураджайнасці 32,2 цэнтнера з гектара.

Спякота, дажджы вымушаюць хлебаробаў працаваць з максімальнай мабільнасцю і рэагаваць за хвіліны на ўмовы надвор’я.
Прыемна адзначыць, што на мінулым тыдні два экіпажы з УКСП “Саўгас “Ольса” – Уладзімір Скараходаў і Ігар Таранцоў, бацька і сын Вячаслаў Аркадзьевіч і Мікалай Вячаслававіч Цэлікавы – і камбайнер УКСП “Саўгас “Дабраволец” Віктар Аляксандравіч Шатуха намалацілі больш за 1000 тон збожжа новага ўраджаю.
У мінулы чацвер з ганаровай місіяй узнагароджвання перадавікоў прама на палеткі наведаліся старшыня райкама прафсаюза работнікаў АПК Віктар Фальковіч і галоўны спецыяліст аддзела ідэалагічнай работы, культуры і па справах моладзі райвыканкама Анастасія Шалай. Яны ўручылі Уладзіміру Скараходаву і Ігару Таранцову адпаведны вымпел, каштоўныя падарункі, а на камбайне “загарэлася” зорачка, якая сведчыць, што ў яго бункер засыпалася больш за тысячу тон збожжа. Павіншаваў перадавікоў і старшыня абласнога камітэта прафсаюза работнікаў АПК Віктар Гейдаль.
…Залацістыя палеткі, напоўнены спелым зернем колас, надзейны і верны сябар – камбайн. Гэту рамантыку ўдаецца спасцігнуць, на жаль, не кожнаму. Такая

ідылія знаёмая толькі камбайнерам ды працаўнікам жніва. Дзякуючы гэтым людзям на прылаўках магазінаў і на сталах спажыўцоў заўсёды свежы, духмяны хлеб, а зернясховішчы гаспадарак поўняцца збожжам.
Гэта ўборачная кампанія далёка не першая ў працоўнай біяграфіі як нашых перадавікоў, так і ў вадзіцеляў, якія з пачатку жніва перавезлі ад камбайнаў больш за тысячу тон намалочанай збажыны. Сярод іх Уладзімір Харлап з ААТ “Бацэвічы-Агра”, Вячаслаў Барнавіцкі з КСУП “Тэльмана”, Уладзімір Рыбак з ААТ “Нясята-Агра” і інш. Гэтыя людзі добра ведаюць цану кожнай пагодлівай хвіліны на ўборцы, таму і стараюцца, каб і тэхніка была спраўнай і належным чынам загерметызавана, каб не было страт.

Людміла Аляксандрава.