Канец жніўня. Лёгкі дожджык накрапвае. Але ён не псуе прыемны настрой усім, хто прыйшоў да Зінаіды Андрэеўны Трыгубенка, каб павіншаваць ветэрана Вялікай Айчыннай вайны з 90-гадовым юбілеем!

Зінаідзе Андрэеўне крыху няёмка ад таго, што сустракаць гасцей прыхо-дзіцца седзячы на ложку. Але ўсе разумеюць і паважаюць яе шаноўны ўзрост і перажытыя ў вайну цяжкасці і выпрабаванні. Калі б не хворыя ногі, то і не скажаш, што размяняла дзясяты дзясятак. Такі ж прыгожы твар, жывы і дапытлівы розум, цікавасць да ўсяго, што адбываецца ў грамадстве і ў жыцці лю-дзей. Сын і ўнучка Наталля са сваёй сям’ёй клапоцяцца аб ёй, дапамагаюць ва ўсім і ствараюць умовы, каб было ёй утульна і камфортна ў сваёй хаце.

95-гадовы Міхаіл Сцяпанавіч СТУПЕНЬ сустрэў гасцей пры поўным парадзе. У святочным касцюме, пры медалях і ў акружэнні родных. Ён жыве ў кватэры разам з сям’ёй унучкі Жанны.

Ветэранам-юбілярам уручылі прывітальны адрас ад раённага выканаўчага камітэта, а таксама цёплыя словы віншаванняў і кветкі, падарункі ад вучняў СШ №1 імя Героя Савецкага Саюза П. А. Крываноса, ад раённай арганізацыі «Беларускае грамадскае аб’яднанне ветэранаў», грамадскіх арга-нізацый БРСМ, «Белая Русь» і «Фонд міру» .

Усё жыццё Міхаіл Сцяпанавіч працаваў на мясцовым малаказаводзе. Яго павіншавалі з юбілеем прадстаўнікі ўпраўляючай кампаніі холдынгу «Магілёўская малочная кампанія «Бабушкина кринка». Павіншаваў сябра і Яўген Георгіевіч Гурбо, ветэран Вялікай Айчыннай вайны.

Мы таксама віншуем нашых дарагіх ветэранаў. Жадаем здароўя моцнага, доўгага веку, радасці ад дзяцей і ўнукаў.

Аліна СУДНІК .

Фота аўтара.