Кожную  хвіліну  добрага  надвор’я  берагуць  у  СВУ  «Зарэчны»  ДЛГУ  «Клічаўскі  лясгас«.  Бо  якраз  той  дзень,  які  год  корміць.  Закрываюць  тут  вільгаць  на  палях, рыхтуюць  глебу  пад  сяўбу,  падкормліваюць  мінеральнымі  тукамі  шматгадовыя  травы,  азіміну,  рапс.

Па  стану  на  ўчарашні  дзень  пасеялі  ўжо  94  гектары  яравых  збожжавых  і  зернебабовых  культур  (52,2%).  А  вядзе  сяўбу  вопытны  механізатар  Іван  Васільевіч  Маркаў.  Старанны  ён  чалавек  па  натуры,  а  тэхніка – выдатная:  энерганасычаны  трактар  «Беларус-3022»  (толькі  ў  мінулагоднім  жніўні  купілі)  у  счэпе  з  сучасным  пасяўным  агрэгатам.

Н. Ізох