АЛЯКСАНДР ЛАЗАКОВІЧ — ЛЕПШЫ ЛЯСНІЧЫ БЕЛАРУСІ 2015 ГОДА

У  мінулую  пятніцу,  29  студзеня,  на  пасяджэнні  калегіі  Міністэрства  лясной  гаспадаркі  Рэспублікі  Беларусь  па  выніках  работы  ў  2015  годзе  аб’яўлены  пераможца  конкурсу  на  званне  “Лепшы  ляснічы  года”.

Ім  прызнаны  ляснічы  Доўгаўскага  вопытна-вытворчага  лясніцтва  ДЛГУ  “Клічаўскі  лясгас” Аляксандр  Мікалаевіч   Лазаковіч.   Міністр  Міхаіл  Амельяновіч  уручыў  пераможцы  конкурсу   дыплом  Міністэрства  лясной  гаспадаркі  Рэспублікі  Беларусь   і   каштоўны  падарунак.
Удакладню,  што  конкурс,  у  якім,  як  правіла,  прымаюць  удзел  ляснічыя  1-га класа,  праводзіцца  штогод  з  мэтай  актывізацыі  работы  лясніцтваў  галіны.   Ацэнка  работы  ляснічага  здзяйсняецца  на  падставе    розных  крытэрыяў  і  паказчыкаў  лесагаспадарчай  дзейнасці.
Поспех  нашага  калегі  не  выпадковы.  Для  Аляксандра  Лазаковіча работнік  лесу – гэта  і  прафесія,  і  прызванне.  Так  сцвяр-джаць  ёсць  падставы:  стаж  у  галіне  ўжо  амаль  14 гадоў,  на  пасадзе  ляснічага  больш  за 10  гадоў.   Адметна:  класнае  званне  “Ляснічы  1  класа”  Аляксандру   прысвоена  ў 2015  годзе, датэр-мінова,  што  не  так  часта  здараецца.    Падставы – прафесіяналізм,  высокія  паказчыкі  лесагаспадарчай  дзейнасці  Доўгаўскага  вопытна-вытворчага  лясніцтва,  якое  ён  узначальвае  з  лета  2007  года.   Пад  кіраўніцтвам  А. М.  Лазаковіча  гэта  прадпрыемства  на  працягу  апошніх  шасці  гадоў    трымае  лідыруючыя  пазіцыі ў  лясгасе. Так,  пры  падвя-дзенні  вынікаў работы  сярод  лясніцтваў  па  выкананні  паказчыкаў  сацыяльна-эканамічнага  развіцця  з  2009  па  2012  гады  яно  займала  2-я  месцы  (за  2011  год – 3-е  месца),  за  2013, 2014  гады  і  першае  паўгоддзе 2015  года – 1-я  месцы.  У  2012  годзе  Доўгаўскае  лясніцтва  з’яўлялася  пераможцам  у  абласным  спаборніцтве  за  высокія  паказчыкі  эканоміі  рэсурсаў.
За  добрасумленную  працу  Аляксандр  Мікалаевіч неаднаразова  заахвочваўся  Ганаровымі   граматамі  ДЛГУ  “Клічаўскі  лясгас”,  Магілёўскага  ДВЛГА,  у  2014  годзе  ўзнагароджаны  Граматай  Мінлясгаса,   яго  партрэт  быў  занесены  на  раённую  Дошку  гонару.
Адказны  і  кампетэнтны  кіраўнік,  чалавек  справы,  сапраўдны  прафесіянал – так  характарызуюць  ляснічага  калегі  па  працы.   Аб  аўтарытэце,  павазе  ў  калектыве,  мясцовага  насельніцтва  гаворыць  і  тое,  што  Аляксандр  Лазаковіч  з’яўляўся  дэпутатам  Доўгаўскага  сельскага  Савета  дэпутатаў  26-га  склікання,  зараз  дэпутат  Клічаўскага  раённага  Савета  дэпутатаў  27-га  склікання.
Па  натуры  ж  Аляксандр  Мікалаевіч  чалавек  энергічны,  з  моцнай  дзелавой  хваткай,  са  здаровымі  амбіцыямі.  Сярод  жыццёвых  дасягненняў – дзве  вышэйшыя  адукацыі,  па  адной  з  іх – інжынер  лесу,  прычым  дыплом  Беларускага  дзяржаўнага  ўніверсітэта – з  адзнакай.  Па  другой, якую  атрымаў  у  Акадэміі  кіравання  пры  Прэзідэнце  Рэспублікі  Беларусь, эканаміст-менеджэр.  Сапраўды,               А. М.  Лазаковіч  валодае  ўсім,  каб  быць  лепшым  па  прафесіі:  ёсць  грунтоўныя  веды,  вопыт  у  прафесіі,  і  што  самае  важнае – жаданне  працаваць  і  гаспадарыць  так,  каб   захаваць  і  перадаць  на-шчадкам  лес,  унікальнае  прыроднае  багацце  краю.  Тым  больш,  што  на  тэрыторыі  Доўгаўскага  лясніцтва,  якое  займае  17,7  тысячы гектараў знаходзіцца  частка (каля  5,2 тыс. га) земляў  рэспуб-ліканскага  гідралагічнага   заказ-ніка  “Астравы  Дулебы” –  самага  вялікага  па  плошчы  на  Магілёў-шчыне.  З  2013  года  гэты  заказнік   уключаны  ў  спіс  тэрыторый  аб’ектаў,  ахоўваемых  Рамсарскай  канвенцыяй  аб  водна-балотных  угоддзях,  якія  маюць  міжнароднае  значэнне,  галоўным  чынам  у  якасці  масцапражывання  вода-плаваючых  птушак.    Гэта  да  многага  абавязвае.

Святлана  ЧАРЭЙЧЫК,
намеснік
дырэктара   ДЛГУ  “Клічаўскі  лясгас”
па  ідэалагічнай  рабоце.

Последние новости

Знай наших

Выпускница Кличевской школы рассказывает о своём поступлении

22 августа 2025
Читать новость
Ветераны

Кличевские ветераны посещают Музей Славы Могилёвщины

22 августа 2025
Читать новость
Знай наших

Желанная ягода от Кличевского лесхоза

22 августа 2025
Читать новость
Год малой радзімы

Герои Кличевской жатвы

22 августа 2025
Читать новость
Актуально

Мужчина таинственно исчез в Минске 19 лет назад. Недавно его нашли

21 августа 2025
Читать новость
Актуально

Почему листья меняют цвет?

21 августа 2025
Читать новость

Рекомендуем