Спартыўнае  мерапрыемства  “Усмешкі  сяброў”,   якое адбылося  ў  дзіцячым  садку  №5, стала  сапраўдным  святам  для  малышоў.  Агульнавядома,  што  бацькам   хочацца, каб  іх дзеці раслі  не толькі здаровымі, але і разумнымі, спартыўнымі, творчымі.
—Фарміраванне   здаровага  ладу  жыцця  пачынаецца  з  самага  ранняга  ўзросту.  Да  таго  ж,  у   перыяд  падрыхтоўкі  і  правядзення  спартыўных  свят,  якіх  у нашай дашкольнай  установе  праводзіцца  шмат,  дзеці  атрымліваюць  магчымасць  праявіць  актыўнасць,  ініцыятыву,  самастойнасць, – заўважае  кіраўнік  фізвыхавання  Таццяна  Уладзіміраўна  ЯКІМАВЕЦ. –  Зараз  мы падрыхтавалі  для  малечы  сюрпрызы  і  цікавыя  эстафеты,  конкурсы.  Пастараліся  задзейнічаць  усе  аспекты  эмацыянальнага  і  фізічнага  развіцця  дашкалят.  Дарослыя    пераапрануліся  ў  казачных  герояў  і  на  ўласным  прыкладзе  паказалі  дзеткам,  наколькі  важна  мець  сапраўдных  сяброў,  якія  ў  любых  абставінах  гатовыя  аказаць  дапамогу,  падтрымку,  суцешыць  і  падзяліць  няўдачы.
Свята  прамільгнула,  а  тыя  ідэі  і  выхаваўчыя  задачы,  якія  ставілі  перад  сабой  педагогі,  той  эмацыянальны  зарад,  што  атрымалі  малышы,  надоўга  застануцца  ў  дзіцячай  памяці  і  акажуць  пазітыўны  ўплыў  на  фарміраванне  асобы.

Святлана  ТАРЭЛКА,
намеснік  загадчыка  дзіцячага  сада  №5
па  асноўнай
дзейнасці.